英國遊退稅

一個月前終於完結左十一個月既英國遊學，要由英國返返香港，當然我亦都唔係放過可以  退稅啦!!由於去到Heathrow Airport既時間唔夠，所以我做唔到Cash Refund，所以只可以退落信用卡上。

由於Credit card refund要終時60日以上，所以選擇用信用卡既朋友都要擔心起碼60日以上，對於好似我咁既窮學生，去左英國一年都唔敢好亂花錢，如果唔係見可以退稅，我諗我係唔會選舉去豪一次，買返1個品牌銀包獎勵下自己。

今日岩岩收到ebanking既email，點知一睇就有新既驚喜，就係我最心急要退到既稅終於退到返來啦!!雖然已經收返左兩間公司4張稅單(Global Blue同PremierTaxFree)，但係我仲有2張未收到，anyway只要Global Blue個2張收到，我就唔想理其他啦!!

機場退稅小tips：

由於之前經常去Heathrow送朋友既關係，所以真係都可以同大家分享一下心得。

1. 如果係星期一至四由英國搭夜機返香港既朋友仔，可以你班機係8.30pm既，可以早3.5個小時間前去到機場辨退稅，因為周日返國既旅客好少，所以唔需要咁早去到機場辨退稅。上次同學仔係上機前2.5個小時先到機場都退得切。

(無論係Cash Refund定係Credit Card Refund都會係同一條隊，所以都係退現金會好的，如果唔想帶英磅返來，可以係退稅counter同要求換返港幣，但係個匯率唔係咁好，所以可以的話，最好帶返來香港先換返)

2. 如果係星期五至日返香港既話，最好愈早去愈好，因為周末會有好多搭飛機返去自己國家，所以冇4-5個鐘都退唔到稅，如果係星期六同日既話，Cash Refund同Credit Card Refund會有唔同既隊架，要小心的排呀!!上次我係上機前3個鐘先到既關係，退Cash要排3個鐘，而且打曬蛇餅，所以我排左1個鐘左右就轉左去排Credit Card，不過唔好以為排Credit Card條隊唔多人排呀!!我上次都排左成1鐘先交到。

(如果真係退Credit Card Refund既話，真係要寫清楚表格上要你寫既野，名、護照號碼、信用卡號碼同埋地址)

現金退稅小tips：

我識得既中國人佢地多數都會同我講係外面退稅好的，呢個就真係既，雖然外面退稅係煩的，外面退完稅都要去到機場排隊交錢，但係點都起碼係拎返現金上手先，唔駛心驚驚。

3個退稅公司都會外面係外國退稅既服務，多數都係係曬BOND STREET，但係要注意每個地方既退稅時間都有唔同，以Global Blue為例，佢地公司係開8am-12noon, 6-8pm。

(不過要注意外面退稅，每張單只可以係1000磅留下，如果你張單係1001磅，咁你就要去機場退啦!!!不過係以每張稅單計算)

如果係手持BNO既朋友，就請記得帶埋香港身份証去外面既退稅counter，事關退稅個條友見到我本BNO竟然話我係BRISTISH唔俾我退稅，除非我可以出示到香港身份証去証明自己唔係BRISTISH先俾我退。